De Chronikfrünnen drapen sik jede erste Dingsdag inne Maand Klock halvig acht in "Uns Huus". Wi vertelln uns över  Dööntjes ut ole Tieden, ünnersöken de Geschichte vun unse Vörfohren (Genealogie) un muchen gern unse Sammlung vun Biller noch  vullstänniger maken. Dorto is jedereen willkamen mittodoon!

 

Chronik


Uns Horstedt wurr fröher "Horstede" nömt: dat meent "Stätte vun Horsa"/ Stääd vun Horsa oder ok wull Peerdestääd vun angelsass`sch Horse. Hier hemm all lange Tied  Minschen wahnt: Dat wiesen uns oole Fundsaken.
Man mutt sik wunnern  wo veel Dörper inne angelsass´sche Ruum  Horstedt heeten as Bispill in Neddersassen oder England.

In dat "Huspenningregister" vun 1438  findt man dat erste  Mal Horstede  nömt.

Dat all inne letzte Tiet vun de Jungsteentiet un de öllere Bronzetiet (1800-900 v.Chr.) Minschen op dat Horstedter Land leevten,  dorvun tügen oole Gravvstäden un veele  Fundsaaken. Man glövt dat de ersten, de versöcht hemm  wat antobuen vun de Arlau her keemen un sik wieter  na Horstedt  an de Beek utbreedet hemm. Dorbi  wurr de Eeken- un Birkenholt to dull nutzt un de Veehgrasung op de arme Grund föhrten to dat utbreeden vun groote Heidefläägen in Oosten un  Süden vun uns Dörp - bito wurr aff dat 12. Johrhunnert wegen de schwore Stormfloten för de Diekbuu veel Holt bruukt.
Op disse Heid bi " Friedenstal" un "Kronenborg" an de vorbiföhrende Ossenwech verpusten de Ossen op de lange Wech vun Jütland na de Husumer Markt dat letzte Mol. Eerst um de Johrhunertwenn  na 1900 wurr de Heid na un na ünner de Ploog  nahmen.

1994 keem de Dörpschronik  rut;  Noher wurrn noch interessante Saken över Horstedt rutfunnen:

  • 1792 wurr de eerste "Umgehungsstraat" dörch´t Dörp buut.
  • 100 Goldgulden vun 1370 bit 1450 sind funnen  wurrn - doröver giff dat nu een Utstellen in "Schlott Gottorf"
  • 1822  "Eerdbook" för de Verkoppelung vun´t Dörp
  • 1874   Eerste "Katasterploon" vun ´t  Dörpsland


Horstedt hett in de fröhere Johrhunnerten uk  alltied  unner Krieg to lieden hatt: Inquarteerung vun Suldoten un Plünnerungen bröchten  Süken mit sik!

För de Chronikfrünn:  Lorenz (Nonny) Hansen