Evangelische Kinnergoorn Olderup
Hauptstraat 7
25860 Olderup
Tel.: 04846-803
Mail:

Dräger:

Evangelisch-lutherische

Karkengemeende Olderup

Hauptstraat 45

25860 Olderup

 

Gruppen:
4 Gruppen mit Kinner in ünnerscheedliche Öller.

Intogsgebiet:
Kinner ut de Gemeenden Horstedt, Arlewatt un Olderup.

Op een Blick:
De Gemeenden Olderup, Arlewatt un Horstedt ünnerholen siet 1996 een Evangelische Kinnergoorn in de ole Olderuper School, de dorto umbuut wurrn is.

In veer Gruppen

• de Sünn
• de Regenbogen
• de Sternen
• un de Mondgrupp

warrn to tiedt maximal 66 Kinner vun 1 - 6 Johr passt.

Jede Grupp hett en helle fründliche Gruppenruum, en Platz för't Tüüch un en Waschruum. Denn gifft dat noch en groote Ruum, en Köök mit Möbel in Kinnerhöchde, en Büro un en Ruum för de Mitarbeiderinnen. Siet August 2012 is de Sünngrupp en Krippengrupp mit 10 Kinner ünner 3 Johr. Hier hebbt wi en Ruum to Schlapen för de Lütten un en Wickeldisch mit en Nattzell in'e Waschruum. De Mondgrupp gifft dat siet Oktober 2013. Dat is en Familiengrupp mit Kinner vun 2 - 4 Johr.

Unse Rüüme för die Kinner af 3 Johr sind ünnerscheedlich opdeelt:

• Bu- un Konstruktionsruum
• Kinnercafe
• Warkruum
• Rollenspill- un Speelruum
• Platz för Bewegung

Buten hebbt de Kinner veele Mööglichkeiten, sick to bewegen un de Natur to erleben.

Open is de Kinnergoorn:
Vun Klock 7 bit namiddags um 5.

Ferientieden:

• 3 Weeken in'e Sommerferien
• 2 Dag för Wieterbilden un Utflog vun'e Mitarbeider.

Wat kost de Kinnergoorn:
In'e Haupttied vun Klock 8 bit 12 kost dat 120,- € in'e Monat för Kinner af 3 Johr un 165,- € för Krippenkinner un Kinner ünner 3 Johr in'e Familiengruppe. Jede wiedere Stünn kost 30,- €/40,- € mehr in'e Monat.

Unse Team:
1 Leiterin

6 Erzieher/innen
3 Kinnerplegerinnen, bzw. Sozialpädagogische Assistentinnen (SPA)
2 Ruumplegerinnen

1 Husholtshülp

1 FSJler/in

Wi bilden Erzieher und SPA ut. Dorför nähm'n wi jedet Jor Praktikant/in för jeweils 10- 20 Weeken während sees schoolische Utbildng op.

Mit alle Sinne opwassen... Unse Ziel is, dat sick Kinner, Öllern un Mitarbeiderinnen in'e Kinnergoorn wohl föhlen un gern kamen. So leben un lehren wi  tosamen. Wi muchen de Kinner de christliche Globen neegbringen. Wi vertellen un singen vun Jesus un fiern de christliche Feste tosamen. Wi begleiten de Kinner bi Fragen na dat "Woher", "Worum" un "Wohen".

De Kinner hebbt bi uns veele Angebote to'n Bewegen un Speelen.

Wi pädagogische Mitarbeiderinnen verstahn uns as een Partner un Bildungsbegleiter för de Kinner. Wi maken de Kinner Beziehungsangebote, geven Anregungen un stellen Ruum, Tied un Material to Verfögung, de se för sers Entwicklung bruken. Wi speelen mit de Kinner, wenn se uns dorto inladen. Wi versöken, de Kinner an Entscheedungen in de Alldag vun'e Kinnergoorn to bedeligen. De Musik is in'e Kinnergoorn ganz wichtig. Öllern dörben gern bi uns hospiteren.

Een Kollegin snackt mit all de Kinner plattdüütsch.

2008 kregen wi de "Felix", en Pries för unse musikalische Arbeit. An unse Musikbegeisterung hett sick nix ännert.

8 Wuchen in't Johr lang heet dat bi uns in'e Kinnergoorn "keen Speeltüüch". In de Tiet steiht Sprok, dat Umgahn mitenanner, Eegeninitiative, Mitbestimmung, Phantasie, eegen Ideen un dat Wohrnehmen  in'e Vördergrund un dat ward dörch de Erzieher besünners fördert un begleitet. Wer mehr weten much, kann sik bi uns in de Kinnergoorn informeeren.

Faste Termine:

• Jede Week: Mit de tokünftige Schoolkinner: In't 2. Halfjohr jede Dag "Training zur phonologischen Bewusstheit".
• Jede Monat: Een Dag in'e Wald för Kinner af 3 Johr, en Turndag in de Arlewatter Sporthalle
• Jedes Johr: Afwesselnd maken wi in'e Sommer en Utfohrt oder wi fiern en Sommerfest; Laternelopen in'e Harvst; wi fiern de christliche Feste; Utfohrt in't Watt mit de 5- bit 6-Järigen. Inladungsfröhstück afwesselnd för Grotöllern un Mütter. Besök vun'e Pole Poppenspälerdage.

Tosamen mit de Annern för dat Kind
Wi freuen uns över dat Interesse vun'e Öllern, Deelnehmen an Veranstaltungen, Öllernabende un -spreckdage, Rückmeldungen, Ideen un konstruktive Kritik. Wi tuschen uns gern över unse pädagogische Arbeid ut.

Wi arbeiden mit de Grundschool in Horstedt, mi't Sprachheil-Ambulatorium vun'e Pestalozzi-School in Husum, mit de Fröhförderung, mit de Landesverband Ev. Kindertageseinrichtungen e.V., mit de Sozialraumträger, annere Kinnergoorns u.v.a. tosamen.

De Mitarbeiderinnen bilden sick regelmatig wieder.

Gremien, de för de Kinnergoorn arbeiden, dat sind de Kinnergoornutschuss un de Kinnergoornbeirat. Dor raatslaan un entscheeden Lüttmaten vun'e Karkengemeenderat, vun'e Gemeenden, vun'e Öllern un vun dat pädagogische Personal.