Partnerschop twischen dat Amt Nordsee-Treene un de Kreis (Powiat) Hajnowka in Polen

HajnowkaIn de Juli 1999 harr de Speelmannstog Hattstedt to en internationale Musikfest inlodt, wiel de Musikzog 15 Johr old wurrn weer. So keem uk en Blasorchester vun en School in Hajnowka.
De Stadt Hajnowka liggt in de Osten vun Polen, um un bi 20 km af vun Grenz to Wittrussland, an de Ingang to de Nationalpark vun Bialowieza.
Mit dat Orchester keemen uk offizielle Vertreter vun de Kreisverwaltung Hajnowka. Se schulln hier Kontakt opnehmen, um mit de Kommune (poln.: Gmina) en Partnerschop optobuun. Disse Vertreter wurrn bi Familie Manfred Gregersen in Hattstedt ünnerbröcht, un so gung dat denn los.

In de Mai 2000 flogen denn acht Lüüd ut Hattstedt na Hajnowka to en russisch-orthodoxe Musikfest. Bi en Kreistagssitzung kreeg de domolige Amtsvörstaher Jens Kiesbye en Urkunde övergeven, de de Partnerschop fastmaken dee.
Vun de Hattstedter Siet wurr de Partnerschop an de 13. Dezember 2000 besloten.

Vun de 19.-25. Juli 2001 kreeg dat Amt Hattstedt wedder Besöök ut Hajnowka: Dat Musikorchester keem tosaam mit de Landrat (poln.: Starost) Wlodzimierz Pietruczuk un anner politsche Vertreter.
En poor Daag later, vun de 28.-31. Juli, fohrte denn de Speelmannstog Hattstedt na Hajnowka. Mit dorbi weern politische Vertreter vun dat Amt Hattstedt un de Kreispräsident vun de Kreis Nordfreesland, Helmut Wree.

In de Dezember 2001 harr de Börgermeister vun Horstedt, Egon Schwilgin, de Idee un teknen Schöler un Schölerinnen in Hajnowka ut. Sietdem fohrn jede Johr en poor Lüüd vun Hattstedt na Hajnowka un övergeven de Priese.

Hajnowka1Twischentiets gifft dat uk Verbindungen vun de Hattstedter Kinnergoorn "Brückengruppe" to en polnische Kinnergoorn. Un polnische Lehrerinnen un Buern weern al in Hattstedt to Besöök.
De "Freeslandbühne Hattstedt" mokte sik in de Sommer 2005 op de Weg na Hajnowka un speelte dor Theoter.
Plant is för 2008, dat de "Füerwehrmusiktog vun de Friewillige Füerwehr Hattstedt" un de "Wattenpipeband Hattstedt" na Hajnowka fohrn.

De Partnerschop warrt ünnerstützt vun de Vereen "Freunde für Hajnowka e.V.", de in de September 2004 gründt wurr un meist al 50 Liddmaten hett.

Mehr över Hajnowka is to finnen ünner www.powiat.hajnowka.pl un www.hattstedt.de .