Wi över uns

De Jagdgemeenschop hört to de Hegering Hattstedt un is över de Kreisjagerschop Husum in`e Landsjagdverband Schleswig-Holsteen organiseert. Dat Jagdrevier liggt noordosten de Nevenstreck över Drelsdörp na Bredstedt.

Jugendsöken an‘e 21.04.2007 in Horstedt

Dat Horstedter Revier hört mit sien 1.070 ha Jagdflagen noch to dat Karkspeel Hattstedt, sünst tellt dat to de Osterdörper. Dat hannelt sik um en Geestrandrevier  mit lüttere Feldhölter, Geestflagen un in`t Noorden mit anmorige Maschflagen. In un um de Holtflagen steiht mehrsttiets starke Rehwild. Unse Jagdgemeenschop besteiht ut 10 Jagerinnen und Jagers. In‘e verledene Johren kunnen wir uns över Towass freuen. Enige intresserte Lüüd wullen dat „Gröne Abitur“ maken. Vertreden sind neven de Buern uk alle Öllersschichten un Berufsgruppen.

Dat Wild un unse Revier

Unse Revier is en Nedderwildrevier, meistendeels findt sik dor: Rehwild, Hasen, Oonten, Göös, Fasane, Vöss un anner Hoorraubwild. Kanninken gifft dat hüüt nich mehr so veel, se warrn dorum, jüst so as Rapphöhner, nicht mehr jagt. Na de Tiet dat de Bundesstraat 5 merrn dörch unse Revier buut wurr, tellen wi veel mehr Wildunfälle. De Minsch gewöhnt nu mol gauer an ni‘e Umstänn. Unse Revier liggt neeg bi de Kreisstadt Husum un warrt veel to`n Neegverhalen nutzt. Vele Gäste goht in unse schöne Natur spazeren. Dorbi mussen wi leider faststellen, dat enige Gäste en anner Sinn för de Natur hebben as wi. Se laten ehr Hunde bi Spazeergänge merrn dörch de Wald frie lopen. Rehe un anner Wild warrn dörch dit Stören verbiestert un wi warrn noch öfter to Verkehrsunfälle mit Wild ropen.

Nu stellen wir Wiesschiller op un hopen, dat nich mehr so vele Unfälle passern.

Opstellen vun‘e Schiller an‘e 25.03.2007