Husum an´e Nordsee un de Ferienlandschop Husumer Bucht

Husumer_buchtDe Middelpunkt vun´e Husumer Bucht is Husum. Theodor Storm schreev doröver all vör 150 Johr dat Gedicht "Graue Stadt am Meer". Op so en Idee wör he hüüttodaags sach nich mehr kamen. Husum is bunt. Ole Giebelhüser mit witte, geele, rode un blaue Vörderfronten findt man langs de enge Straaten un Twieten mit  Koppsteenplaster. Lodens, kommodige Cafès un Kröge stahn rund um de St. Marien-Kark un de Marktplatz mit de Tine-Brunnen, de Skulptur vun een Fischersfru vun Adolf Brütt.

De Nordsee reckt bit in de Binnenhaven rin und spölt tweemol an´e Dag mit de Floot frische Water in´e Binnenhaven. De Tünnenleger Hildegard voer´t Rathuus helpt denken an de Tieden, as hier noch Scheep vun´n Stapel laten wurrn.

Fröher leeg dat Slott vör Husum uterhalb vun´e Stadtmuern, hüüt aver meist in´e Innenstadt. Jedet Johr kaamt to de Konzertreegen "Raritäten der Klaviermusik" und "Junge Meister" jüst so as to de "Internationale Figurentheatertage" en Barg Lüüd vun överall her. Un wenn in´e Maande März un April veer Millionen Wildkrokusse de Park rund um dat Schlot in en lila, duftende Blötenmeer verwanneln, denkt man blots noch an en "Bunte Stadt am Meer".

Vör de Doren vun de Nordseehavenstadt Husum breeten sich Koppeln, Wischen und Fennen ut. Dorlang trecken sick Grööve un Knicks - dat sind lange Wälle mit groene Hecken - oder lütte Wälder. To de Ferienregion Husumer Bucht tellen Husum mit de Ortsdeel Schobüll un de Dörper Wobbenbüll, Hattstedt, Horstedt, Simonsberg, Uelvesbüll, Witzwort, Norderfriedrichskoog, Mildstedt un de Südermarsch. Hier kann man as Urlauber alles möögliche ünnernehmen.

Op Wattwannerungen und Scheepfohrten verkloren Mitarbeiter vun´e Naturschutzorganisatschoonen de Gäste, wat an disse Landschop so besonners is:
Planten und Tieren, de an´e Wessel vun´e Tide oder de ruuche Bedingungen vun´e Saltwiesen anpasst sind.
Robben, de sick op de Sandbänke aalen.
De Schwienswale, de in der Nordsee tohuus sind.
Oder de Millionen Töögvögel, de in´t Fröhjohr un in´e Harvst an de Nordseeküst rasten un sick hier vullfreeten för eer Wieterreis.
Un denn natürlich noch de tein Halligen in´t Wattenmeer, lütte Eilande ohne Diek, de dat blots an´e nordfreesche Nordseeküst givt.

Mit de Westwind in´e Rüch kummt man op de Nordseeküsten-Radwech hen na Nordstrand, de Hamburger Hallig oder de Köge in´t nördliche Nordfreesland - Maschland, dat deelwies vör wenige Johrteinten noch en Deel vun´t Wattenmeer weer. Südwesten vun Husum reckt de Halvinsel Eiderstedt in´t Meer rin. Uk disse Region kann man bestens op Rad beleven. 18 Karktoorns und stolte Haubargen, dat sind tyypsche Buernhüser mit en hooche Dack, wiesen de Radfohrers hier de Wech - bit man an´e Horizont dat beleevteste Fotomotiv vun´e schleswig-holsteensche Nordseeküst süht: De Westerhever Lüchttoorn.

Op`t Rad dörch dat Binnenland findt man noch de ländliche Idylle, so tum Bispeel in´e Aulandschop Eider-Treene-Sorge. Ok för Rieders und Wannerers givt dat dor en gut utschilderte Wegenett. Hier kann man eens ween mit de Natur. Inline-Skater fohrn op de Teerwege an de Dieken und in de Maschen rasante Fohrten. Jedet Johr in`n Mai dropen sich Sportlers ut ganz Dütschland to een Nordfreesland-Skating.

Surfer un Kitesurfer treckt dat mehr na St. Peter Ording hen. Na düsse Urlaubsort mit de "grötste Sandkist vun´e ganze Welt" bruukt man vun Husum blots 40 Minuten. Wer gauer in´t Water will, de fohrt glieks na Simonsberg, Schobüll oder an´e Husumer Dockkoog.

Mehr över en Urlaub in´e Husumer Bucht kriggt man bi de Tourist-Informatschon to weten.

Tourist-Information Husum
Großstr. 27
25813 Husum
Tel.: 04841/8987-0
Fax: 04841/8987-90
Email: Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!
www.husum-tourismus.de


Wat steiht an

30.04.2017

2. Konfirmation in Hattstedt

10:00

April/Mai

April/Mai: OKR: Rund um die Kräuter; Kurs mit Heinke Hannig. Anmeldung bei Ute Lass, Tel.: 228 (ab 18 Uhr)

15:00-17:30

Mai

Mai: OKR: Kutschfahrt zur Hallig Südfall; Anmeldung Doris Voigt-Christiansen Tel.: 1644

10.05.2017

Essen in Gemeinschaft, Gemeindehaus Olderup

11:45